Трансферот кој се подготвуваше со години, конечно се реализираше, Килијан Мбапе е нов фудбалер на Реал Мадрид.
„Кралевите“ попладнево и официјално ја потврдија зделката, а соопштението кое имаше само една речинца, на кратко ја „бутна“ веб страната поради големиот сообраќај.
„Реал Мадрид и Килијан Мбапе постигнаа договор според кој Французинот ќе биде играч на Реал Мадрид во следните пет години“ – гласеше известувањето.
Потоа беше објавена уште една вест, со која Реал Мадрид опиша каков профил на фудбалер е Килијан Мбапе и нагласи: „Се засиливме со спектакуларен напаѓач“!
