Размената на заробениците била посредувана од Оман, се наведува во соопштението на Министерството за надворешни работи на таа земја. „Напорите на Оман резултираа со договор меѓу двете страни за заедничко ослободување, имајќи предвид дека ослободените се префрлени од Техеран и Стокхолм“, се вели во соопштението.
Шведска го ослободи поранешниот ирански функционер Хамид Нури, кој беше осуден за учество во масовна егзекуција на политички затвореници во Иран во 1988 година. Иранската официјална новинска агенција ИРНА објави снимка од пристигнувањето на Нури на аеродромот Мехрабад во Техеран, каде што го пречека неговото семејство.
İsveç hükümeti tarafından hukuka aykırı bir şekilde 5 yıl hapis tutulan Hamid Nuri’nin vatana ulaştığı an. pic.twitter.com/R4mDSuYrHW
— IRNA Türkçe (@Irna_Turkish) June 15, 2024
Шведските државјани Јохан Флодерус и Саид Азизи, кои беа затворени во Иран, беа ослободени и вратени во Шведска, каде пристигнаа доцна синоќа. Премиерот Улф Кристерсон рече дека и двајцата се во добра состојба со оглед на околностите и дека биле повторно обединети со своите семејства.
Johan is home! He is safe and he has just landed in Sweden. We are overjoyed. His friends and his family are overjoyed. We want to thank the Swedish government for their support. We want to thank the European Union for their tireless support. The support they have offered to… pic.twitter.com/skwbBWAN1S
— Free Johan Floderus (@free_JohanF) June 15, 2024
„Иран ги искористи и двајцата како пиони во цинична преговарачка игра со цел да го ослободи иранскиот државјанин Хамид Нури од затворот во Шведска. Тој беше осуден за тешки злосторства извршени во Иран во 1980-тите“, рече Кристерсон во соопштението.
„Како премиер, имам посебна одговорност за безбедноста на шведските граѓани. Затоа, владата интензивно работеше на ова прашање, заедно со шведските безбедносни служби кои преговараа со Иран“, додаде тој.
