Тој зборуваше на телевизија пред онлајн состанокот на неговиот совет за безбедност. Рускиот претседател рече и дека целото западно оружје што се испорачува во Украина „добро гори“ на бојното поле.
Тој исто така ја обвини Полска дека „се обидува да формира коалиција под закрила на НАТО“ со цел да „интервенира во Украина“. Покрај тоа, ја обвини Полска дека „има територијални амбиции во делови од поранешниот Советски Сојуз“.
Обраќајќи им се на полските лидери, тој рече дека тие „заборавиле“ дека „западниот дел на Полска е подарок од Сталин за таа земја“.
Москва ќе ја смета секоја агресија врз својот близок сојузник Белорусија, која беше дел од Советскиот Сојуз, како напад врз Русија, рече тој. Тој предупреди дека Кремљ ќе одговори на агресијата против Белорусија „со сите средства што се на располагање“.
Коментарите на рускиот претседател доаѓаат по последниот одговор на Полска за почетокот на обуката на војниците на Вагнер под водство на Евгениј Пригожин во соседна Белорусија.
