Путин кажа дека Западот го ескалира конфликтот во Украина дозволувајќи му на Киев да ја нападне Русија со ракети со долг дострел и конфликтот да стане глобален.
„Значи, Русија изврши борбени тестирања на хиперсоничниот ракетен систем „орешник“, како одговор на агресивните акции на земјите од НАТО против Русија“, кажа Путин, а пренесува Ројтерс.
„Како одговор на употребата на американско и британско оружје со долг дострел, руските оружени сили денес извршија комбиниран напад на еден од објектите на воено-индустрискиот комплекс на Украина“, кажа Путин.
„Во борбени услови е тестиран, меѓу другото, еден од најновите руски ракетни системи со среден дострел. Во овој случај, балистичка ракета во ненуклеарна хиперсонична опрема“, кажа рускиот претседател.
