Во указот објавен на рускиот портал за правни информации се наведува дека Татарски е постхумно награден „за покажана храброст во извршувањето на професионалните обврски“, пренесува РИА Новости.
Познатиот воен блогер Владлен Татарски, чие вистинско име е Максим Фомин, загина во неделата во експлозија во Стрит барот во Санкт Петербург, во која беа повредени уште 32 лица.
Осомничената Дарија Трепова вчера е уапсена.
Таа е осомничена дека го убила Татарски давајќи му гипсена статуетка во која имало импровизирана експлозивна направа.
The pro-Kremlin propagandist Vladlen Tatarsky has been assassinated in St. Petersburg.
A bomb was reportedly hidden in a statue in the cafe where he was organizing a meeting supporting the invasion.
— Visegrád 24 (@visegrad24) April 2, 2023
Руските власти соопштија дека го истражуваат нападот во центарот на вториот по големина град во Русија како „убиство што привлекува голем интерес кај јавноста“.
Експлозијата во Санкт Петербург во која загина Татарски е оркестрирана од Украина, соопшти во понеделникот рускиот Национален антитерористички комитет (НАК), кој убиството го опиша како „терористички напад“.
