„Уверен сум дека ќе продолжиме да ја прошируваме билатералната соработка во корист на нашите пријателски нации, со цел да изградиме поправеден и подемократски светски поредок“, ја цитираше Тасс изјавата на Путин.
Соработката во различни сфери носи добри резултати и систематски се спроведуваат големи заеднички процеси, додаде Путин. „Руско-турските односи се развиваат во духот на пријателството и соседството, што беше целосно потврдено на нашата неодамнешна средба во Сочи.“
„Москва и Анкара успешно ги координираат напорите за решавање на клучните прашања, и регионални и глобални“, рече рускиот претседател.
Путин истакна дека Турција во изминатите 100 години надминала многубројни предизвици и постигнала успех во економската, социјалната и во други сфери. „Тоа е многу почитувана земја на глобалната сцена, со полно право“, заклучи Путин.
