Алиев (61) последен пат беше реизбран во 2018 година на седумгодишен мандат, а со оглед на тоа што политичкото несогласување во голема мера е потиснато, речиси сигурно е дека ќе освои нов мандат следната година.
Во септември, Алиев нареди молскавична офанзива по деветмесечна блокада за да ја врати контролата врз отцепената територија Нагорно-Карабах, контролирана од етнички Ерменци, што беше втор успешен напад во последните три години.
Така, тој го исправи она што тој и повеќето во Азербејџан го гледаат како историска неправда на де факто отцепувањето на регионот во крвавиот етнички конфликт што следеше по распадот на Советскиот Сојуз кон крајот на 1980-тите и почетокот на 1990-тите.
Потпомогнат од нафтеното богатство на својата земја, Алиев склучи силен сојуз со турскиот претседател Таип Ердоган, а во исто време успеа да одржи активни односи и со Русија и со Западот, длабоко спротивставени околу војната на Москва во Украина.
