На снимката се гледа 53-годишниот Хасан Битмез како стои зад говорницата пред ненадејно да падне на земјата додека се обраќа во Народното собрание на Турција.
„Нема да му избегате на гневот на Алах“, кажа Битмез неколку моменти пред да се урне, по што неколку негови колеги притрчаа да му помогнат.
Битмез во својот говор го обвини Израел за злосторства против човештвото и етничко чистење на Палестинците.
Turkish MP threatens violence against Israel saying the Jewish state will suffer the ‘Wrath of Allah.’
Moments later he has a heart attack and collapses.
— Oli London (@OliLondonTV) December 12, 2023
Пратениците на Партијата на правдата и развојот, која ја предводи турскиот претседател Реџеп Таип Ердоган, му возвратија, кажувајќи дека Битмез го погодил „божјиот гнев“.
Иако Турција ги осуди убиствата на израелските државјани во ненадејниот упад на Хамас на 7 октомври, неколку дена по нападот Ердоган ги нарече милитантите на Хамас „борци за слобода“.
Ердоган исто така го критикуваше Западот поради неговата силна поддршка на Израел кого го обвини дека извршил воени злосторства во Газа.
„Израел отворено врши воени злосторства веќе 22 дена, но западните лидери не можат да го повикаат Израел ни на прекин на огнот, а не пак да реагираат против него“, кажа Ердоган на 28 октомври.