Ова е втор остров во Грција популарен меѓу туристите кој беше зафатен од огромни пожари. Огнената стихија веќе беснее на островот Родос, а голем број жители и туристи вчера беа евакуирани со приватни чамци од плажите бидејќи пламените јазици ги загрозија одморалиштата и крајбрежните села. Околу 30.000 гости и жители беа евакуирани од Родос, пишува Скај њуз.
Sea evacuations begin as wildfires spark chaos in Corfu
See more ?https://t.co/HOv0WFkRRH pic.twitter.com/FxfpA62Zad
— Sky News (@SkyNews) July 24, 2023
Пожарникарите велат дека туристите се безбедно евакуирани од погодените области на Родос – кои претставуваат помалку од 10% од туристичкото сместување на островот – и се пренасочени во други хотели на островот. Три хотели во областа Киотари пријавија штета од пожар.
New wildfires have forced evacuations on a second Greek island.
Holidaymakers were forced to leave Corfu overnight after 19,000 people had already fled the island of Rhodes over the last week.
Meanwhile, firefighters are trying to strop the fire from spreading.
For @itvx. pic.twitter.com/K0SvkkOqG4
— Jay Akbar (@JayAkbar13) July 24, 2023
Дел од евакуираните се сместени на затворен стадион на островот, според заменик-шефот на островот, кој додаде дека пожарникарите често имаат потешкотии на Родос поради неговата богата вегетација, што го прави атрактивна туристичка дестинација.
Exciting times here in Corfu. Fires last night (I was blissfully unaware as asleep) and the big operators have evacuated from around here (we’re in Nissaki) I’ve just been told the fire is out.
Just look at the skill of these helicopter pilots tho ❤️ pic.twitter.com/ZRBEUSRtoY
— Will Rowe (@MSFTRecruit) July 24, 2023
Повеќе од 260 пожарникари работат на локализирање на пожарот на југ и запад на островот Родос во Егејското Море. Стотици туристи, особено британски, германски и француски, бараа лет за дома вчера вечерта на меѓународниот аеродром на Родос, а неколку авиокомпании ги прекинаа летовите до островот.
Утринава два хеликоптери и два канадери продолжија да им даваат поддршка на пожарникарите на островот, една од најважните туристички дестинации во земјата, која во последните децении неколкупати беше зафатена од пожари.
Пожарите се активни во понеделник и во северниот дел на Пелопонез, во Каристос на југот на островот Евбеја и во Беотија на северот на Атина. Во многу области на земјата сè уште е на сила црвениот аларм, односно екстремна опасност од шумски пожари.
The helicopters and planes this morning seem to have slowed the fires progress over the hill we can see, saving the town in the middle of the video #corfu pic.twitter.com/5JusJvFe2S
— pete (@petemedical) July 24, 2023
Како и секое лето, Грција е зафатена од шумски пожари, често смртоносни, кои опустошуваат десетици илјади хектари шума и вегетација. Ова лето, земјата доживеа еден од најдолгите топлотни бранови во последните години, според експертите на националната метеоролошка служба ЕМИ, со температури кои во текот на викендот достигнаа до 45°C во центарот на земјата.
Во понеделник температурата „благо ќе падне“ со прогнозирани температури до 37°С во Атина, додека во центарот и на Пелопонез живата треба да достигне до 42°С. На Егејско Море се предвидува силен ветер до 50 км/ч. Топлотниот бран се очекува да продолжи и утре со температура до 44°С, според ЕМИ.