„Сите 27 лидери се согласија“, рече тој, додавајќи дека „ова обезбедува стабилно, долгорочно, предвидливо финансирање за Украина“.
Договорот беше постигнат откако утрово највлијателните политичари од блокот разговараа со унгарскиот премиер Виктор Орбан. Орбан стави вето на договорот за време на самитот во декември. Најавата на Мишел покажува дека челниците успеале да го разубедат.
We have a deal. #Unity
All 27 leaders agreed on an additional €50 billion support package for Ukraine within the EU budget.
This locks in steadfast, long-term, predictable funding for #Ukraine.
EU is taking leadership & responsibility in support for Ukraine; we know what is…
— Charles Michel (@CharlesMichel) February 1, 2024
Орбан, пишува Гардијан, подлегнал на притисокот по серијата средби синоќа и утринава со италијанскиот, францускиот и германскиот премиер. Претседателот на Советот на ЕУ Шарл Мишел, претседателката на Европската комисија Урсула фон дер Лаен и лидерите на Франција, Германија и Италија одржаа состанок зад затворени врати со унгарскиот премиер. Состанокот потоа беше проширен и на други лидери, вклучително и холандскиот премиер Марк Руте, полскиот премиер Доналд Туск и белгискиот премиер Александар Де Кро.
„ЕУ го одржа ветувањето за Украина“, рече белгискиот премиер Александар Де Кро, додавајќи дека „уште еднаш го потврдивме единството на 27-те земји-членки“.
The EU keeps its promise to #Ukraine
The people of Ukraine and President @ZelenskyyUa are fighting for the freedom of all Europeans.
Once again we reaffirm the unity of the 27 member states. @EU2024BE #EUCO
— Alexander De Croo 🇧🇪🇪🇺 (@alexanderdecroo) February 1, 2024
Тие се договорија за два компромиси – за две години, Европската комисија по потреба ќе направи ревизија на трошоците. Но, за тоа сепак ќе се гласа.
Има и дополнителна мерка за механизмот за условување на владеењето на правото, рече портпарол, пренесе Гардијан.
Лидерите се согласија за следниот текст, според документот што го видел Гардијан: „Врз основа на годишниот извештај на Комисијата за спроведувањето на инструментот за Украина, Европскиот совет секоја година ќе одржува дебата за за имплементацијата со цел да обезбеди насоки. Доколку е потребно, Европскиот совет за две години ќе ја повика Комисијата да подготви предлог за ревизија во контекст на новата Повеќегодишна финансиска рамка“.