Како што информира денеска претседателскиот Кабинет, на средбата Сиљановска Давкова била информирана за севкупните активности на партијата, насочени кон афирмација и унапредување на положбата на македонското национално малцинство во Албанија.
На средбата, како што се наведува во соопштението, биле разменети мислења и за последниот спроведен попис во Албанија и ставот на претставниците на Македонците, кои не ги признаваат објавените резултати.
Претседателката Сиљановска Давкова изразила поддршка на напорите на претставниците на македонското национално малцинство за унапредување на нивните права и повика на заедништво и обединет настап во работата за подобрување на нивната положба.
Сиљановска Давкова, како што се посочува, ја нагласила важноста пописот, секогаш, без исклучок да ја отсликува реалноста во секое општество.
