Демонстрантките извикуваа „престанете да нѐ убивате“ додека одеа низ Варшава кон седиштето на Министерството за здравство, носејќи транспаренти на кои пишувало „Сакаме лекари, а не мисионери“ и „Пекол за жените“, вообичаен слоган кој опишува како мерките влијаат на жените кои носат несакана или опасна бременост.
Полскиот закон за абортус, еден од најстрогите во Европа, предизвика масовни протести во последниве години, а смртта на 33-годишната Дорота во мај поттикна антивладини чувства кај либералните Полјаци пред изборите што треба да се одржат во октомври или ноември.
— Luke Phillips (@LukePhi00951967) June 15, 2023
Во 2021 година, националистичката влада на премиерот Матеуш Моравјецки ја спроведе одлуката на Уставниот суд со која се забранува прекинување на бременоста во случај на дефекти на фетусот, додека конзервативните политики се повеќе пуштаат корени во една од најпосветените католички земји во Европа.
Застапниците за правата на абортусот велат дека имало најмалку пет случаи на бремени жени кои умреле и чии семејства се обратиле до медиумите, обвинувајќи го законот против абортусот за нивната смрт.
‘Stop killing us’: Polish women protested against strict anti-abortion laws in several cities after the death of a pregnant woman whose family believe she could have survived if she had been offered treatment https://t.co/Q6NrA6USJS pic.twitter.com/JugmwDiNx3
— Reuters (@Reuters) June 15, 2023
„Доста ни е од сè… протестиравме кога дознавме за смртта на Изабела пред речиси две години, и тогаш извикувавме ‘не уште една’“, рече Ањешка Чередерецка, основач на движењето Женски штрајк во Варшава. Таа рече дека протести се одржале во околу 80 градови.
Според анкетата спроведена за приватното Радио Зет оваа недела, повеќе од 70 отсто од Полјаците веруваат дека строгиот закон против абортусот претставува потенцијална закана за животот и здравјето на жените.
