Смртта на младата Гераванд уследи по неколку недели во кома во болница во Техеран и една година од смртта на 22-годишната Махса Амини, која предизвика протести низ Иран, пренесе АП.
Повредата на Армита Гераванд на 1 октомври во метрото во Техеран, сега и нејзината смрт, се заканува повторно да го разгори гневот на народот во Иран, особено кога жените во Техеран и другите делови на земјата продолжуваат да се спротивставуваат на законот за задолжителен хиџаб, незадоволни од теократското владеење на Иран.
Тоа што и се случи на Армита Гераванд за неколку секунди откако влегла во вагонот на подземната железница сѐ уште е мистерија.
Нејзината пријателка за иранската државна телевизија изјавила дека Гераванд ја удрила главата на платформата на станицата, на видеото непознато лице го блокира местото каде што се наоѓа тинејџерката, само неколку секунди подоцна нејзиното неподвижно тело беше однесено.
This is Armita Geravand, a young woman brutalized by the morality police and now in a coma. The videos show her courageously walking unveiled. She stands as a beacon for millions in Iran, defiantly refusing to submit to oppressive mullahs & enforced hijab.pic.twitter.com/a1mARDJ8VK
— Masih Alinejad ?️ (@AlinejadMasih) October 24, 2023
Извештајот на иранската државна телевизија не вклучува никаква снимка од возот и не нуди објаснување зошто видеото не е објавено, иако повеќето вагони во метрото во Техеран се покриени со камери за видео надзор, кои ги надгледуваат чуварите.
Родителите на трагично повредената тинејџерка се појавиле на државните медиуми велејќи дека проблемот со крвниот притисок, паѓањето или можеби и двете придонеле за фаталната повреда на нивната ќерка.
Ирански активисти тврдат дека Гераванд можеби била турната или нападната бидејќи не носела хиџаб. Тие повикаа на независна истрага од страна на мисијата за проверка на факти на Обединетите нации, тврдејќи дека иранските власти вршат притисок врз семејствата на жртвите и потсетувајќи дека државната телевизија емитувала стотици присилни признанија.
