Вчера имаше вкупно 33 пожари. Активни од вчерашните се уште седум, а утрово има известување за четири нови – „утрински“ пожари во Скопско (два во Општина Ѓорче Петров и по еден во општините Петровец и Шуто Oризари – каде што се запалени отпадоци). На пожарите што загрозуваа села се дејствуваше и со два противпожарни авиони на ДЗС и со еден хеликоптер на МВР, а некаде покрај противпожарните тимови во одбрана на селата се вклучи и месно население.
Големите активни пожари од вчера се во Македонски Брод, Штип, Крушево, Чашка, Валандово и Струмица.
По рекордот од 60 пожари во неделата, вчера имаше „само“ 33 пожари на отворен простор.