Дури и пистите беа поплавени. На социјалните мрежи кружат видеа од поплавата каде некои вработени дури и нуркале за да покажат колку е длабока водата.
Метеоролошката станица на аеродромот забележа врнежи од речиси 5 сантиметри на час, кои го достигнаа врвот од 9 сантиметри за помалку од еден час.
News ! Palma de Mallorca Son Sant Joan (PMI), Mallorca, has been flooded.
The extreme weather has brought the operations to a halt, with multiple flights cancelled, delayed or re-routed.
📹MrR @MrRTSZ , El Perímetro @elperimetrotv #airport #disaster #flood pic.twitter.com/fWikNL2VLh
— FL360aero (@fl360aero) June 11, 2024
Сведоци велат дека се било хаотично и дека патниците трчале да се засолнат од дождот кој пропуштал низ покривот на аеродромската зграда, пишува Мајорка Дејли Булетин.
Аена, операторот на аеродромот во Палма де Мајорка, потврди дека имало поплави на некои влезови во објектот и во зградата на терминалот.
Во соопштението се наведува: „Аеродромот во Палма де Мајорка е привремено парализиран поради ударот на силна бура, поради неможноста за безбедно функционирање“.
#Palma pic.twitter.com/Q4QM9Dd4Nk
— 😉Controladores Aéreos 🇪🇸 (@controladores) June 11, 2024
Аеродромот – трет по големина во Шпанија – активираше план за итни случаи и летовите до Мајорка беа привремено пренасочени на алтернативни аеродроми, рече министерот за транспорт Оскар Пуенте.
По извесно време, кога дождот престанал, аеродромот продолжил со работа.
„Првите полетувања и слетувања се веќе започнати, а пренасочените летови се очекува да слетаат на аеродромот во текот на попладневните часови“, додаде Аена.
