Кан, поранешна ѕвезда на крикетот, се изјасни за невин и тврди дека содржината на телеграмата претходно била објавена во медиумите од други извори. Казната за ова дело е до 14 години затвор или дури и смртна казна, според пакистанските адвокати. Ова е втор пат Кан да биде обвинет за истото дело, откако високиот суд претходно го укина обвинението поради технички причини, бидејќи постапката, наводно, не била почитувана.
Кан тврди дека телеграмата е доказ за заговор на пакистанската војска и американската влада да го соборат од власт во 2022 година, откако тој ја посети Москва неколку дена пред руската инвазија на Украина. Вашингтон и војската ги отфрлаат тие тврдења.
Кан победи на последните општи избори во 2018 година и сега има неколку процеси кои се водат против него. Тој ги отфрла како обид за политички прогон. Тој веќе беше осуден за корупција и доби три години затвор.
Таа казна беше условна, но тој останува во притвор по други обвиненија, вклучително и поттикнување насилство и оваа за оддавање државни тајни. Ова го спречува да се кандидира на изборите следната година, но неговиот правен тим се обидува да го ослободи со кауција и забраната да се укине.
