петок, 12 јули 2024
По случајот со маж каснат од влекач во Идризово

Од кај градоначалничката Арсовска велат дека се надлежни за комарците, ама не и за змиите во Скопје

Во врска со последниот случај на појава на змија во Идризово која касна маж, Град Скопје ја известува јавноста дека со Законот за Град Скопје е прецизно утврдено чии се надлежностите за дезинсекција, дезинфекција и дератизација, а дека од Град Скопје немаат надлежност за дератизација или постапување во случаи со змии или други влекачи или глодари.

Објавено на

часот

Сподели

„Во член 15 став 1 точка 4 од Законот за Град Скопје јасно е утврдена обврската на општините во градот за дератизација и дезинфекција, односно десетте општини се надлежни за дератизација и дезинфекција на населените места на својата територија. Дератизација е збир на процедури кои се спроведуваат со цел да се уништат опасни штетници и можни носители на одредени заразни болести. Дезинфекцијата е постапка насочена кон уништување на најголемиот број на несакани микроорганизми со различни физичко-хемиски средства. За појаснување со член 10 став 1 точка 4 од Законот за Град Скопје, утврдена е единствено надлежноста на градот за дезинсекција, како збир од процеси кои се преземаат за сузбивање на инсектите“, појаснуваат од Град Скопје

ТОП ВЕСТИ

ПОСЛЕДНИ ВЕСТИ