Во петокот, Русија ја поддржа резолуцијата на Советот за безбедност на ОН за прекин на огнот во Газа, на која беше ставено вето од Вашингтон. Американскиот претставник појасни дека САД не поддржуваат итен прекин на огнот затоа што така само „ќе се посади семето за идна војна бидејќи Хамас нема желба за траен мир“.
Нетанјаху нагласи дека секоја друга земја што би претрпела терористички напад сличен на оној што го извршија членовите на палестинската милитантна група Хамас на 7 октомври против Израел, би реагирала „во најмала рака со истата сила“ како што тоа го направи Израел.
Во разговор со Путин, Нетанјаху го изрази и своето „цврсто неодобрување“ на руската „опасна“ соработка со Иран, се додава во соопштението. Тој исто така изрази благодарност за ангажманот на Русија што доведе до ослободување на заложник со двојно израелско и руско државјанство од страна на Хамас.