понеделник, 22 јули 2024

Неодамнешниот близок сојузник на Русија ќе одржи воени вежби со САД

Ерменија и Соединетите Американски Држави ќе одржат заеднички воени вежби во Ерменија од 15 до 24 јули, соопшти денеска ерменското Министерство за одбрана. Вежбата Орел партнер 2024 ќе се фокусира на задачи поврзани со мировните мисии и таквите вежби со „земјите партнери“ се редовни, соопшти Министерството.

Епа

Објавено на

часот

Сподели

Односите на Ерменија со Москва, до неодамна најблискиот сојузник на Русија во Јужен Кавказ, се влошија во последниве години поради неуспехот на Русија да ѝ помогне да се одбрани од соседен Азербејџан.

Иако Ерменија останува договорен сојузник на Русија, таа во неколку наврати изјави дека не ја поддржува војната на Москва во Украина и испрати хуманитарна помош во Киев, што ја налути Русија.

Ерменскиот премиер Никол Пашинјан минатиот месец ја објави својата намера да ја повлече земјата од безбедносната алијанса на неколку поранешни советски држави во која доминира Русија. Тој истакна дека неговата влада допрва треба да одлучи кога ќе ја напушти Организацијата на Договорот за колективна безбедност (ОДКБ), група која ги вклучува Русија, Казахстан, Киргистан, Таџикистан и Белорусија.

ТОП ВЕСТИ

ПОСЛЕДНИ ВЕСТИ