„Не сакаме да веруваме дека станува збор за намерна саботажа предизвикана од политичка агенда, но, ако судиме по реакциите на политичките партии кои го политизираа и пожарот на мостот Беласица со шпекулации и предизвикување на општа несигурност и паника кај граѓаните, заклучокот е загрижувачки“, се наведува во соопштението од Град Скопје.
Оттаму со апел до сите институции да ги преземат сите неопходни мерки за да се спречи ваквата појава, како и до сите политички чинители да не поттикнуваат вакво однесување.
Инаку, минатата недела пожар го зафати долниот дел од мостот Беласица во центарот на Скопје, поточно каблите, поради што беше развиена висока температура, па сега треба да се утврди дали е нарушена статиката на мостот.
