Во знак на благодарност за соработката на градоначалникот Ѓорѓиевски му беше додела плакета Пријател на Теледом од Здружението на Унгарците.
„Со длабока почит, заедно со унгарскиот амбасадор Андраш Клајн, го одбележавме нивниот национален ден. Со пригодна свеченост и поклон пред спомен плочата на Шандор Петефи, кој е една од клучните фигури во Унгарската револуција од 1848 година уште еднаш покажавме колку е силно пријателството помеѓу Кисела Вода и Република Унгарија. Блискоста помеѓу нашите два народи се огледува преку споделувањето на значајните моменти – оние кои ни се важни и означуваат нешто големо за нас, за нашата заедница, за нашата нација, изјави градоначалникот Ѓорѓиевски“, пренесува општинската прес-служба.
Како што посочи Ѓорѓиевски, соработката ќе продолжи преку реализација на уште повеќе проекти.
По повод 15 Март и годинава во основните училишта беше распишан литературен на тема Животот и делото на Шандор Петефи, поетот на револуцијата во 1848-1849 година и Историјата на унгарската света круна, како и ликовен конкурс: Унгарија на слика како јас ја замислувам.
На денешниот настан беа доделени благодарници на учениците кои победија на овој конкурс и за кои Амбасадата на Република Унгарија во Македонија обезбеди награди.