„Во 17.45 ч. пријавено е дека на автопат Скопје – Велес, пред тунелот, се превртело комби. Досега е констатирана смрт кај три лица, а пет се пренесени во болница за укажување помош. На местото на настанот се упатени полициски екипи и јавен обвинител”, велат од МВР.
На местото на несреќата први укажале помош две екипи на Брза помош од Скопје и една од Велес.
Дежурен јавен обвинител од Основното јавно обвинителство Скопје и увидни екипи на МВР вечерва вршат увид на местото на настанот на тешката сообраќајна несреќа на автопатот Скопје – Велес. На местото на несреќата е повикан и сообраќаен вештак за утврдување на причините. Се преземаат увидни дејствија, а јавниот обвинител ќе ги издаде сите потребни наредби за вештачења.
