„Проектите се изработени и детските градинки и училишта може уште утре да почнат да се градат и тоа го направивме со сопствени средства, исто како што враќањето на средствата за зелената обврзница, инструмент што се користи насекаде низ светот ќе биде направено со средства на Општина Аеродром“, рече Муцунски и додаде дека според информациите со кои тој располага дека поради притисок од министрите на ДУИ, премиерот Ковачевски добил насока да се блокираат сите проекти во Општина Аеродром.
Муцунски нагласи дека сепак овие проекти со сигурност ќе бидат започнати и завршени по доаѓањето на ВМРО ДПМНЕ на власт, но и дека ќе бидат со една година задоцнување. Градоначалникот истакна дека во меѓувреме вината за недостатокот на места во детските градинки треба да се бараат во Владата и политичките партии кои се дел од истата.