Министерот Муцунски оценил дека дипломатска мисија на евроамбасадорот Рокас започнува во исклучително важен момент за европската иднина на земјата и во таа смисла изразил уверување дека со силна заемна посветеност ќе се обезбеди одлучен напредок на патот кон реализација на стратешката определба за идно членство во ЕУ.
Муцунски изразил задоволство од досегашната континуирана поддршка на Европската Уија за унапредување на реформските процеси, стабилноста и просперитетот на земјата, и ја потенцирал подготвеност за натамошно продлабочување на меѓусебното партнерство засновано на заедничките вредности и интереси.
Пред Рокас, оваа функција ја извршува амбасадорот Дејвид Гир.
Инаку,Рокас беше номиниран во април, кога високиот претставник на Европската Унија Жосеп Борел номинираше 44 нови шефови на делегации на ЕУ, вклучително и нови амбасадори на ЕУ во Босна и Херцеговина, Црна Гора и Македонија, како и шеф на канцеларијата на ЕУ во Косово.
Тој бил шеф на делегацијата на ЕУ во Нов Зеланд, прв секретар на Канцеларијата на Европската комисија во Хонгконг и Макао, како и шеф на Одделот за поддршка на делегации во Европската служба за надворешни работи (ЕЕАС) на Кина, Хонгконг, Макао и Одделот за Тајван и Монголија.
Рокас има диплома по економија и постдипломски студии по европска економија. Мајчин јазик му е грчкиот, а зборува англиски, француски и германски јазик.
