вторник, 23 јули 2024

Му помагал на семеен насилник, обвинителството и на двајцата им поднесе обвинение

Објавено на

часот

Сподели

На 29 мај, во својот дом на улицата „Партение Зографски“, во Скопје, како што соопштуваат од Јавното обвинителство (ЈО), обвинетиот тешко телесно ја повредил својата вонбрачна партнерка, така што без особен повод и причина, физички ја нападнал и почнал да ја удира со шлаканици по лицето и ја клоцал по рацете и нозете и под градите.

„Вториот обвинет во тоа време бил присутен во домот на обвинетиот, но не презел ништо да ја заштити жртвата, туку напротив му давал совети и упатства како да го изврши кривичното дело. Во домот била присутна и мајката на првообвинетиот, која се обидела да ја одбрани жената од физичкиот напад, но вториот обвинет ја запрел, обраќајќи ѝ се со зборовите ‘остани настрана, сами нека го решат проблемот, тоа е нивнa личнa работа’. Допонително, второобвинетиот во моментите на физичкиот напад го бодрел сторителот со зборовите ‘ако треба заедно со мене ќе ја издржиме казната’“, се наведува во соопштението од ЈО.

Од многубројните удари, оштетената се здобила со тешки телесни повреди, набиеници, подливи и мултифрагментарна скршеница на носните коски.

„За првообвинетиот, за кого претходно беше определена мерка притвор, јавниот обвинител му предложи на Основниот кривичен суд Скопје да ја продолжи притворската мерка. Предлог за определување мерка притвор беше поднесен и за вториот обвинет, но судот не го прифати предлогот на обвинителот и не определи мерки, па по приемот на решението надлежниот јавен обвинител ќе вложи жалба на ваквата судска одлука“, се додава во соопштението а Јавното обвинителство.

ТОП ВЕСТИ

ПОСЛЕДНИ ВЕСТИ