По двата порази од Ливерпул и Баер Леверкузен, Милан вечерва ги освои првите три бода, избраниците на Пауло Фонсека со 3-1 го совладаа Клуб Бриж на Сан Сиро.
На почетокот од мечот, гостите во неколку наврати се заканија сериозно, имаа добри прилики за гол, сепак „росонерите“ беа тие кои поведоа, во 34. минута од мечот, Пулишиќ погоди директно од корнер.
Во 40. минута Онједика доби црвен картон, но и со играч помалку Клуб Бриж на стартот од вториот дел стигна до 1-1 со голот на Сабе.
Фонсека повлече потег, во игра ги вметна Окафор и Чуквуезе и тоа веднаш донесе промена на резултатот, Рајндерс стрелаше за 2-1. Истиот фудбалер десет минути подоцна го постигна својот втор гол за 3-1 и тука беа решени сите дилеми околу победникот.
Во финишот од натпреварот, 16 годишниот Камада можеше да се прослави, младото момче ја затресе межата, но ВАР му ја скрати радоста.
На вториот натпревар од 18:45 часот, Црвена звезда настрада на гостувањето кај Монако и загуби со 5-1.
Минамино го отвори резултатот по 20 минути игра, Ндиаје од пенал изедначи на 1-1, но длабоко во судиското надополнување на првиот дел, Емболо реализираше за 2-1.
Во второто полувреме, Синго зголеми на 3-1, Минамино со својот втор погодок донесе 4-1, за во последните секунди од натпреварот, Аклиуш да да ги постави конечните 5-1.
