недела, 14 јули 2024

Mицкоски: Во Вашингтон ќе најавам инвестиција на американска компанија (ВИДЕО)

Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од одбележувањето на 75 години од НАТО, ќе остваруваме средби со државници, но и со бизнисмени и со дијаспората, а ќе најавиме и нова инвестиција! Напиша на Фејсбук претседателот на владата, Христијан Мицкоски.

Објавено на

часот

Сподели

„Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.

Ќе најавам уште една нова странска инвестиција на компанија која е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани. Тоа е она што претставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските иселеници. Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите иселеници да се вратат дома, во нивната татковина, таму да инвестираат“, напиша Мицкоски.

ТОП ВЕСТИ

ПОСЛЕДНИ ВЕСТИ