петок, 19 јули 2024

Мицкоски, Муцунски, Мисајловски и Тошковски на самитот на НАТО во Вашингтон

Премиерот на Македонија Христијан Мицкоски заедно со министрите за надворешни работи и трговија Тимчо Муцунски, за одбрана Владо Мисајловски и за внатрешни работи Панче Тошковски денескаа заминаа во Вашингтон, Соединетите Американски Држави.

Објавено на

часот

Сподели

Македонската делегација, според информациите, првите активности ќе ги има веќе во понеделник.

„Делегација предводена од премиерот Мицкоски на НАТО самитот во САД. Денеска патуваме за САД. Делегација предводена од премиерот Христијан Мицкоски ќе учествува на НАТО самитот во Вашингтон, каде ќе одбележиме 75 години од формирањето на Алијансата. Благодарност до нашите стратешки партнери“, напиша министерот Муцунски на фејсбук.

Очекувањата се дека на самитот ќе се случи и средба на македонскиот премиер Мицкоски со неговиот грчки колега Мицотакис. Тоа ќе биде прва средба откако Грција остро се спротивстави на изјавите со користењето на името Македонија, без додавката „северна“.

Мицотакис најави дека Мицкоски ќе се најде во многу непријатна позиција во рамките на Самитот на НАТО доколку опстојува на оваа реторика.

Директорот за Европа и НАТО во Пентагон, Бјуланд, пак, порача билатералните односи да останат надвор од НАТО, а САД ќе продолжат силно да го поддржуваат Договорот од Преспа.

Самитот во Вашингтон почнува во вторник, а во фокусот ќе биде прашањето за помош на Украина и нејзиното влегување во НАТО.

ТОП ВЕСТИ

ПОСЛЕДНИ ВЕСТИ