вторник, 23 јули 2024

Мелони: Италија нема да прифати пакт што не може да го почитува

Италија нема да ја прифати реформата на Пактот за стабилност и раст на Европската унија, доколку смета дека новите буџетски правила се неостварливи, изјави денеска италијанската премиерка Џорџа Мелони, пренесува АНСА.

Објавено на

часот

Сподели

„Не можете да кажете „да“ на реформа на Пактот ако не сте во можност да ја почитувате“, изјави Мелони за радио Ртл 102.5.

„Ова е време на интензивни преговори. Многу деликатно време. Сметаме дека, за да бидеме сериозни, Европа мора да ги земе предвид стратегиите што ги постави во новите правила за управување. Го имаме НРРП (Национален план за закрепнување и издржливост), транзиција на дигитална енергија“, рече таа.

„Не може да не ги земеме предвид инвестициите што ги бара Европа. Правиме сѐ што можеме за да постигнеме ефективен, но разумен компромис“, додаде Мелони.

Земјите-членки на ЕУ во моментов преговараат за реформа на Пактот за стабилност и раст на Европската унија, кој беше суспендиран за време на пандемијата на ковид-19 во 2020 година.

Доколку земјите-членки не постигнат договор, старите регулативи за буџетот ќе стапат на сила следната година.

ТОП ВЕСТИ

ПОСЛЕДНИ ВЕСТИ