Дмитриј Медведев, кој сега е заменик претседател на Советот за национална безбедност на Русија, во честитката до Додик истакна дека тој е еден од „ретките лидери во современа Европа кој води врамнотежена и мудра политика“.
Медведев кажа дека високо го цени придонесот на СНСД во развојот на стратегиското партнерство на Русија и Република Српска и јакнењето на повеќевековните пријателски врски кои ги спојуваат братските народи. Медведев порача дека реизборот на Додик е јасен доказ за поддршката на членовите на партијата за насоката која тој ја спроведува.
„Вие сте еден од ретките лидери во современа Европа кој спроведува врамнотежена и мудра политика, раководејќи се пред сè од насоката на граѓаните на својата држава. Честитаме и го делиме принципиелниот став да се афирмира воената неутралност на БиХ, да се јакне суверенитетот на земјата и таа да се ослободи од надворешното менторство“, напиша Медведев.
Тој на Додик му посака добро здравје и нови успеси во јакнењето на правото и заштитата на интересите на РС и нејзините граѓани.
Хвала Димитрију Медведеву, предсједнику Јединствене Русије, на честитки поводом мог реизбора на мјесто предсједника СНСД-а. pic.twitter.com/MpUVh6Xo3b
— Милорад Додик (@MiloradDodik) October 5, 2023