Функцијата за блокирање на X му овозможува на корисникот да блокира одредени сметки да контактира со нив, да ги гледа нивните објави или да ги следи. „Блокирањето ќе биде отстрането, освен за ДМ“, рече Маск во објава на интернет, мислејќи на директните пораки.
Тој рече дека X ќе ја задржи функцијата за исклучување на звукот што го спречува корисникот да види одредени сметки, но, за разлика од блокирањето, не ја предупредува другата сметка за дејството.
Is there ever a reason to block vs mute someone?
Give your reasons.
— Tesla Owners Silicon Valley (@teslaownersSV) August 18, 2023
Технолошкиот милијардер се опиша себеси како поборник за слобода на говорот, но некои критичари велат дека неговиот пристап е неодговорен. Истражувачите открија пораст на говорот на омраза и антисемитските содржини на платформата од нејзиното преземање, а некои влади ја обвинија компанијата дека не прави доволно за ограничување на содржината.
Отстранувањето на опцијата за блокирање може да го доведе X во конфликт со упатствата на Епл Стор и Алфабет на Гугл Плеј.
Одговарајќи на објавата на активистката Моника Левински која повикува X да ја задржи „клучната алатка за одржување на безбедноста на луѓето на интернет“, извршната директорка Линда Јакарино излезе во одбрана на Маск.
„Безбедноста на корисниците на X е наш приоритет. Развиваме нешто подобро од блокирање и исклучување на звукот. Повратните информации се добредојдени“, објави Јакарино.
