четврток, 25 јули 2024

Мартинез повторно е херој на Аргентина, Меси промаши пенал (ВИДЕО)

Аргентинците се протнаа во полуфиналето од Копа Америка, потешко од очекувањата го совладаа Еквадор, голманот Емилијано Мартинез повторно беше херојот, а Лео Меси не реализираше пенал.

Објавено на

часот

Сподели

Аргентина добро го почна мечот, со гол на Лисандро Мартинез во 35. минута поведоа со 1-0.

По 15 минути игра во второто полувреме Еквадор доби пенал, но Енер Валенсија ја погоди стативата.

Сепак, пред самиот крај, во 92. минута Родригез постигна гол и го израмни резултатот на 1-1. Победникот го решаваа пенали.

Прв шутираше Меси, се обиде со паненка, но ја погоди пречката. Останатите Аргентинци дадоа голови, погодија Алварез, Мекалистер, Монтиел и Отаменди.

Херој беше голманот Мартинез кој ги одбрани првите два пенали на Еквадор, промашија Мена и Минда.

Аргентина во полуфиналето ќе игра со подобриот од дуелот меѓу Венецуела и Канада.

ТОП ВЕСТИ

ПОСЛЕДНИ ВЕСТИ