Согласно договорот, велат од Македонски концепт, Бугарија преку донесување на Рамковна позиција, спротивна на договорот и нејзиното доставување преку Меморандум до Македонија и сите земји членки на ЕУ, на 17 септември 2020 година, формално правно го раскинала Договорот со Република Македонија.
„Цениме дека Договорот наместо пријателство, создаде непријателство, наместо унапредување, ги уназади македонско – бугарските односи. Од таа причина, бараме да прекине работата на историската комисија, да прекине важноста на скандалозните протоколи на Никола Димитров и Бујар Османи, да прекине важноста на Преговарачката рамка со ЕУ и да се изготви нова и да престанат непријателството, лошо соседството и несоработката помеѓу двете земји за да отвориме ново историско поглавје на обновено пријателство“, пишува во соопштението на партијата.
