Македонската репрезентација одлично го отвори натпреварот, бевме рамноправен противник на силната Фрацнија, водевме со 10-8, имавме напад и за три разлика, но не реализираше Филип Кузмановски.
Следуваше тајмаут за Франција по кој тие направија серија од 6-1 и поведоа со 14-11. До крајот на првиот дел мечот беше рамноправен, на полувремето Македонија замина со негатива од четири голови, 17-13 за Франција.
Џонов со четири голови е најефикасен во составот на Македонија, Кузмановски има три, одличен на голот е Никола Митревски. Не можеме да најдеме решение за Деска кој со шест погодоци е најдобриот голгетер кај Французите.
