„Постои само еден излез – треба да формираме палестинска држава. Како што беше донесена одлуката во 1947. Зошто го напаѓате сиротиот (генерален секретар на ОН Антонио) Гутереш дека кажал нешто погрешно? Добро кажа. Луѓето живеат во страшни услови и треба да формираат држава. Не мислам на палестинска автономија, туку и држава Палестина, и посебно еврејска држава. Седнете и договорете се еднаш засекогаш“, кажа Лукашенко.
Претседателот на Белорусија наведе дека ако Палестинците живеат во своја држава, тогаш можат „да полагаат право на неа“, истакнувајќи дека ни на израелскиот ни на палестинскиот народ не им се потребни конфликти и војни, бидејќи сакаат да живеат во мир и да ги растат своите деца.
„Тоа не може да се реши по насилен пат. Секое ново бомбардирање ја влошува ситуацијата, води кон ескалација и вовлекување нови земји во конфликтот“, оцени тој.
Третата светска војна би можела да почне на Блискиот Исток, ако Израел и неговите сојузници почнат да војуваат со Иран“, истакна Лукашенко, додавајќи дека употребата на оружје произведено во одредени држави од страна на спротивставените страни не докажува ништо.
„Ако Американците, доведувајќи таму ударни групи со носачи на авиони, почнат да бомбардираат од Средоземно Море, иако не мислам дека се толку луди, тогаш некои земји, а особено Иран, ќе одговорат. Носач на авиони не може да преживее во Средоземно Море, ќе се удави. Многу нешта укажуваат на тоа дека може да избие сериозен конфликт, а можеби и војна со најсериозно оружје. Дури ни Американците, кои замешаа сè, не знаат што може да се случи“, заклучи Лукашенко.
