Тимот на Андре Слот беше подобар во текот на целиот меч, создаде повеќе шанси и во првото полувреме, но не успеа да реализира, мрежите мируваа во првите 45 минути.
Но, по само седум минути игра во вториот дел Мекалистер даде гол за водство на Ливерпул од 1-0.
По нешто помалку од десет минути Реал Мадрид доби голема шанса да изедначи, беше досуден пенал, но Мбапе не реализираше, Келехер го одбрани неговиот удар.
Брзо потоа беше досуден пенал и за Ливерпул, Салах го промаши целиот гол, остана водството од еден разлика.
Во 77. минута нововлезениот Коди Гакпо реализираше за водство на Ливерпул од 2-0, што беше и конечен резултат на мечот.
Стефан Ристовски го одигра целиот меч за Динамо Загреб против Борусија Дортмунд. Хрватскиот шампион загуби со убедливи 3-0 на Максимир.
Малку фалеше Јувентус да загуби на Вила Парк. Астон Вила даде гол во 94. минута преку Роџерс за 1-0, но погодокот беше поништен од ВАР поради фаул врз голманот. Мечот заврши 0-0.
Загуби вториот италијански тим денеска, Болоња на свој терен беше поразена од Лил со 2-1.
Бенфика со 3-2 славеше гостинска победа кај Монако, а со истиот резултат ПСВ на свој терен го победи Шахтар.
Немаше победник на мечот меѓу Селтик и Клуб Бриж, овој дуел заврши 1-1.
