вторник, 22 октомври 2024

Левица: Нејасно е како и покрај сите скандали на Онкологија, здравството пак го води АА

Поради недостаток на кадар и лошо менаџирање на постоечките човечки ресурси, во јавните здравствени установи се чека со денови за преглед или администрација на терапија, реагираат денеска од Левица во партиското соопштение.

Фото: Левица

Објавено на

часот

Сподели

Од Левица тврдат дека пациенти со часови чекаат да ја примат препишаната терапија, но тие биле враќани дома.

„До нас пристигна информација за случај на пензионерка, која по долг пат и многу надеж дека ќе ја прими терапијата на Клиниката за онкологија, била вратена дома без да ја добие потребната терапија. Од 6:40 часот наутро до 9:30 часот чекала за „бројче“, само за на крај да биде информирана дека сите места за терапија се веќе пополнети и дека терапијата ќе ја прими следниот ден. Пациентите, вклучувајќи ја и нашата сограѓанка, беа вратени без било каква грижа или разбирање за нивната ситуација. Пациенти од цела Македонија со часови патуваат до Клиничкиот Центар во Скопје само за да дознаат дека нема да ја добијат потребната терапија и соодветната грижа! Недостатокот на медицински сестри и организираност предизвикува дополнителни трошоци за овие луѓе кои веќе се соочуваат со тешки финансиски и здравствени предизвици“, велат од Левица.

Оттаму велат дека не знаат зошто и покрај „сите скандали со перење пари преку тендери на јавните здравствени установи, скандалот со цитостатиците кои се шверцувале во Косово и недостаток на медицински кадар, сепак, ресорот – здравство повторно припадна на Алијанса на Албанците, која во претходната влада беше во коалиција со СДСМ, а во новата влада е во коалиција со ДПМНЕ“.

„Здравствениот систем мора да им служи на граѓаните, а не обратно! Ова се примери за крајна неорганизираност и невнимание кон пациентите, па здравството со години служи само за политички пазар“, велат од Левица.

ТОП ВЕСТИ

ПОСЛЕДНИ ВЕСТИ