четврток, 25 јули 2024

Лепен се приклучува на екстремно десничарската група на Орбан во Европскиот парламент

Европратениците од француската партија Национален собир ќе се приклучат на групата Патриоти за Европа, со што таа екстремно десничарска политичка група ќе стане трета најсилна во Европскиот парламент, изјавија за Политико неколку лица вклучени во разговорите.

Епа

Објавено на

часот

Сподели

Со 30 европратеници, делегацијата на екстремно десничарскиот Национален собир ќе биде најголемата во групата Патриоти за Европа, формирана на крајот на јуни, во која членуваат и пратеници од партијата Фидес на унгарскиот премиер Виктор Орбан, изјавија за бриселскиот портал двајца европратеници и еден функционер од групата Идентитет и демократија, на која некогаш и припаѓаше француската партија.

Ако групата Орбан-Лепен стане трета сила во Парламентот, тоа ќе биде голем удар за централната коалиција, која бара парламентарно мнозинство за да обезбеди втор мандат на Урсула фон дер Лајен на чело на Европската комисија, пренесува агенцијата Бета.

„Сакаме брзо да станеме трета по големина партија“, изјави политичкиот директор на Орбан и унгарски пратеник Балаш Орбан.

Големата група патриоти ќе беше значајна сила во Парламентот што ќе го отфрли бриселскиот наратив од последните недели доколку екстремно десничарскиот бран не се материјализираше на европските избори на почетокот на јуни.

Ако им се придружат, како што се очекуваше, 30 европратеници од Марин Ле Пен и осум од Лигата на Матео Салвини, Патриоти за Европа ќе има 79 европратеници, нешто повеќе од либералната група Ренју и екстремно десничарските европски конзервативци и реформисти предводени од Браќата на Италија на Џорџа Мелони и од полската партија Право и правда.

Во Парламентот во заминување, Идентитет и демократија имаше 49 европратеници и беше шеста по големина група.

Сепак, моќта на новата група најверојатно ќе биде ограничена и други групи ќе ја блокираат да заземе клучни позиции, како што се претседавање со комисии или потпретседателски позиции, пишува Политико.

Услов за формирање пратеничка група се најмалку 23 пратеници од седум земји-членки на ЕУ, а во новата алијанса веќе членуваат десничарски членови од Унгарија, Австрија, Португалија, Чешка, Белгија, Шпанија и Холандија.

ТОП ВЕСТИ

ПОСЛЕДНИ ВЕСТИ