Тој оцени дека изјавите на американскиот претседател Џо Бајден и неговиот украински колега Володимир Зеленски за нуклеарната закана, која наводно доаѓа од Русија, се резултат на „бурен тек на свеста“.
„Тешко ми е да го коментирам она што го зборува американскиот претседател во последно време, како и други набљудувачи кои се прашуваат како воопшто да го протолкуваат тоа. Не би обрнувал премногу внимание на вербалните егзибиции кои немаат никаква основа во суштина“, изјави првиот руски дипломат во интервју за руската телевизија, пренесува Тасс.
