сабота, 20 јули 2024
Прес-конференција на СДСМ

Кузеска: Стари и некфалификувани кадри поставува Мицкоски на раководни фунции

„Ако се анализираат кадровските решенија кои во прва фаза ги назначи Владата на ВМРО-ДПМНЕ, многу е очигледно дека Мицкоски посега по стари кадри. Наместо професионализација и промени коишто се ветуваа гледаме партизација пред квалификација. Многу малку може да се забележат некои свежи кадри или некомпромитирани професионалци“, рече на прес-конференција во СДСМ, портпаролката на партијата, Богданка Кузеска.

Објавено на

часот

Сподели

„Така со Фондот за здравство ќе раководи Сашо Клековски, кој иако е лекар никогаш не работел во здравството. Како тој и со кое знаење ќе ја води оваа комплексна и многу важна институција? Клековски беше редовен учесник на телевизиските дебати, каде  ревносно ги бранеше политиките на ВМРО ДПМНЕ. Очигледно единствено таа ‘квалификација’ му ја обезеди позицијата в.д. директор на Фондот за здравство.

На директорско место во Управа за извршување санкции е назначен Александар Пандов, дипломиран историчар кој ниту има соодветно образование од оваа област ниту искуство. Работа во приватниот сектор кај Самсоненко, водејќи една од неговите компании за обложување не може да биде соодветна компетенција за оваа позиција“, рече Кузеска.

Таа нагласи дека е очигледно дека затоа, со назначување на в.д. директори, Владата ја заобиколува неопходната процедура за избор на директори.

„Назначувањето на Коце Трајановски за в.д директор пак, е директна потврда дека кадровските политики значат враќање назад кон претохдното владеење на ВМРО-ДПМНЕ, а не промена. ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014. Му се даваат 600 милиони евра во рацете и моќ да раководи со најголемите инфраструктурни и градежни проекти. Иако, во исто време, Коце Трајановски е косопственик и управител на фирма чија дејност опфаќа и градежништво“, рече портпаролката.

Ова што го прави ВМРО-ДПМНЕ на почеток на мандатот не е промена, нагласи Кузеска и додаде дека граѓаните не гласаа за враќање назад туку за промена која воопшто не се случува и, како што оцени, тешко дека ќе се случи.

ТОП ВЕСТИ

ПОСЛЕДНИ ВЕСТИ