Како што информираат од Јавното претпријатие, активностите се одвиваа во Општина Карпош – во населеното место Злокуќани, на повеќе локации во Општина Ѓорче Петров, како и во Општина Бутел – на улицата Радишанска и во непосредна близина на пазарчето.
Екипите на претпријатието во текот на минатата ноќ интервенираа и на улицата „Максут Садик“ во близина на Амбасадата на САД, каде што континуирано непрописно се одлага отпад на јавни површини. На посочената локација е отстранета уште една обемна дива депонија, по што е спроведено машинско миење со автоцистерни, наведуваат од ЈП Комунална хигиена.
