Вашингтон мора „да се воздржи од интервенција во изборите во регионот Тајван во каква било форма, за да избегне предизвикување сериозна штета на кинеско-американските односи“, рече портпаролката на Министерството за надворешни работи Мао Нинг.
„Кина секогаш цврсто се противи на каква било форма на официјална размена меѓу САД и Тајван“, додаде таа, по објавувањето на плановите на Вашингтон да испрати „неофицијална“ делегација во Тајван по клучните избори на самоуправниот остров.
„Во светот постои само една Кина, а Тајван е неотуѓив дел од Кина“, додаде таа, пренесе Франс прес.
Мао, исто така, го осуди предупредувањето на САД до Пекинг против поттикнување тензии околу гласачките места.
Кина „изразува силно незадоволство и решително противење на дрското брборење на американската страна за изборите во регионот Тајван“, рече таа.
„Тајван е јадрото на клучните интереси на Кина и е црвената линија број еден што не смее да се прекрши во односите меѓу Кина и САД“, нагласи Мао.
„Ја повикуваме американската страна… да преземе практични активности за исполнување на обврските преземени од лидерите на двете земји“, рече таа.
