„Ако постои таков жар и желба за справување со непријателот, јас само го поздравувам тоа! Но, треба да се насочи кон вистинска насока – кон Украина. Таму се истите сили, вистински сатанисти, фашисти и слуги на Иблис, кои поддржуваат убиство на Палестинци“, напиша Кадиров на каналот Телеграм, пренесува РИА Новости.
Тој ги советуваше младите да размислат „пред да направат такво нешто“. Лидерот на Чеченија истакна дека спонтаните акции не водат кон ништо добро.
Во неделата во Махачкала, локални жители упаднаа на пистата на аеродромот откако пристигна авион од Тел Авив. Пријавено е дека најверојатно трагале по пристигнатите израелски државјани и започнаа нереди.
Министерство за внатрешни работи соопшти дека е поведена кривична постапка за масовните нереди, при што се идентификувани над 150 активни учесници. Според последните податоци на Главната управа за внатрешни работи на Севернокавкаскиот федерален округ, приведени се 83 лица.
