Според Ројтерс, значително подрачје на бегалскиот кампа Џабалија е срамнето со земја. Десетици луѓе се во потрага по преживеани во урнатините.
Израелската војска (ИДФ) ја презема одговорноста за нападот на бегалскиот камп.
Портпаролот на Израелските одбранбени сили потполковникот Ричард Хехт кажа за Си-ен-ен дека командантот на Хамас Ибрахим Биари, кој бил мета на воздушниот напад на бегалскиот камп Џабалија во Газа, „се криел, како што тоа го прават припадниците на Хамас, зад цивили“.
Кажа дека Биари е убиен во нападот, а ИДФ на социјалните мрежи објави негова фотографија.
מטוסי קרב של צה”ל, בהכוונה מודיעינית של שב”כ חיסלו לפני זמן קצר את אברהים ביארי, מפקד גדוד מרכז ג’באליה בארגון הטרור חמאס, שהיה ממובילי מתקפת הטרור הרצחנית ב-7 באוקטובר. בתקיפה נפגעו גם מחבלים רבים של החמאס>> pic.twitter.com/ed1F3SphNH
— צבא ההגנה לישראל (@idfonline) October 31, 2023
Хагари кажа дека се убиени уште неколку припадници на Хамас кои биле со командантот „во зградата и под земја“.
Нападот предизвикал многу жртви во Џабалија, најголемиот бегалски камп во Газа, според властите на територијата под контрола на Хамас.
Сместен северно од градот Газа, кампот Џабалија е најголемиот од осумте бегалски кампови во Појасот Газа. Во него се сместени околу 116.000 палестински бегалци, според ОН. Бегалците почнале да се населуваат во кампот по војната во 1948 година.
Станува збор за мало, но густо населено подрачје, од само 1,4 квадратни километри и главно се состои од станбени згради. Во Џабалија има училишта, здравствени центри, библиотека, центар за делење храна. Со кампот Шати, Џабалија се наоѓа во областа која Израел ја прогласи за евакуациска зона.