Инстаграм веднаш не ги информираше корисниците дека ќе ги собира нивните лични податоци за комерцијални цели, објасни регулаторот во соопштението објавено вчера.
Мета не прецизираше дали одлуките за суспендирање на корисничките сметки на Инстаграм и Фејсбук ги носи врз основа на автоматизирана или „човечка“ анализа, нагласи АГЦМ, додавајќи дека корисниците не добиле информации за можноста за поднесување жалби. Тоа значи дека не знаеле дали треба да поднесат приговор до судија или до „вонсудско тело за решавање спорови“, објаснуваат регулаторите, забележувајќи го и краткиот рок од 30 дена за поднесување приговори.
Компанијата ја суспендираше спорната практика за време на процесот на регулаторната ревизија, додаваат регулаторите.
Мета истакна дека воведе промени за италијанските корисници во август минатата година.
„Уште појасно наведовме како ги користиме податоците за прикажување персонализирани реклами на Инстаграм и им понудивме на корисниците дополнителни информации и опции за поднесување приговор за можното суспендирање на сметката“, рече портпарол на компанијата.
„Не се согласуваме со одлуката на АГЦМ и ги проучуваме можните мерки“, додаде тој.