Главниот митинг се одржа во Тел Авив, а беа организирани и други помали протести низ целата земја, во протестната кампања која не стивнува дури и по пет месеци, пренесува АП.
Претходната сабота организаторите на масовните протести го откажаа неделниот протест поради безбедносни причини поради вооружениот конфликт меѓу Израел и милитантите во Појасот Газа.
Протестантите бараат плановите за реформи во правосудството да бидат укинати, а не да се одложуваат, како што најави премиерот Бенјамин Нетанјаху во март.
?? „Bibi ist nicht mein König“: Massenproteste gegen die Regierung füllen Israel. pic.twitter.com/wtutHQD7No
— GeorgeOrwell3 (@george_orwell3) May 21, 2023
Израелскиот претседател Исак Херцог ги прими претставниците на владата и опозициските партии на разговори за предложените законски измени, во моментот кога партиите се обидуваат да постигнат компромис.
Противниците на реформата тврдат дека предложените измени ги загрозуваат демократските вредности на Израел, бидејќи го ослабуваат Врховниот суд, а на парламентот, кој е под контрола на Нетанјаху и неговите сојузници, му даваат овластување да ги поништи судските пресуди.
Протестантите додаваат дека премиерот е во конфликт на интереси бидејќи се обидува да го преобликува правниот систем на земјата додека му се суди.
Нетанјаху, кому му се суди за корупција, тврди дека неговиот план за реформи во судството ќе ја унапреди демократијата.
