Тој додал дека е проценето дека Унгарија сепак не ги исполнува своите обврски со кои би стекнала право на добивање на фондовите на ЕУ.
Во претходните месеци во ЕУ немаше согласност за помошта за Киев, а најмногу се противеше унгарскиот премиер Виктор Орбан кој во декември минатата година стави вето.
Поради цврстиот став на Унгарија европските функционери ја разгледуваа опцијата на Будимпешта да ѝ се укине правото на глас или да ѝ се прекине финансиската поддршка.
Денес сепак беше постигнат договор на вонредниот самит на ЕУ, па сите 27 членки го одобрија дополнителниот пакет за поддршка на Украина од 50 милијарди евра во рамки на буџетот на ЕУ.