Мохамед Али ал Хути, лидер на врховниот револуционерен одбор на Хутите, кажа за весникот Ла република дека Италија мора да биде неутрална во израелско-палестинскиот конфликт и да изврши притисок врз Израел да ги прекине нападите на Газа.
Додаде дека сопирање на војната во Газа е единствениот начин за постигнување мир во регионот.
Италија во петокот соопшти дека нејзин адмирал ќе командува со поморската мисија на Европската Унија во Црвено Море, на која ѝ се придружила за да ги заштити комерцијалните бродови од напади на јеменските бунтовници.
Мандатот на мисијата, која ќе почне кон средината на февруари, ќе биде заштита на комерцијалните бродови и пресретнување на нападите, но нема да учествува во нападите на Хутите, кажа високиот претставник на ЕУ за надворешна политика Жосеп Борел.
