среда, 24 јули 2024

Хамас бара писмени гаранции од Америка за траен прекин на огнот на Блискиот Исток

Милитантната група Хамас денеска соопшти дека сака писмени гаранции од Соединетите Американски Држави за траен прекин на огнот за да го потпише предлогот за примирје, изјавија два египетски безбедносни извори, кои одбија да дадат повеќе детали.

Епа

Објавено на

часот

Сподели

„Хамас сака писмена гаранција за автоматска транзиција од една фаза во друга, во согласност со договорот што го постави претседателот Бајден“, изјави неименуван извор, пренесува Ројтерс.

Планот, објавен од Бајден на крајот на мај, вклучува постепено ослободување на израелските заложници од Газа, повлекување на израелските сили во две фази, ослободување на палестинските затвореници, реконструкција на Газа и враќање на телата на починатите заложници во третата фаза.

Иако Соединетите Држави рекоа дека Израел го прифатил предлогот, Израел никогаш јавно не потврди.

Египетски извори рекоа дека предлогот за прекин на огнот не обезбедува гаранции за преминување од првата фаза на планот во втората, која вклучува траен прекин на огнот и повлекување на израелските сили.

Функционер, кој одби да биде идентификуван, рече дека Хамас предложил нов временски рок за траен прекин на огнот со Израел и повлекување на израелските трупи од Газа, вклучувајќи ја и Рафа.

Повеќе од 37.000 Палестинци се убиени во израелската офанзива во Појасот Газа, соопштија здравствените власти во енклавата под контрола на Хамас.

Преговарачи од САД, Египет и Катар со месеци се обидуваа да посредуваат за прекин на огнот и да ги ослободат заложниците, од кои повеќе од 100 се верува дека се заробени во Газа.

ТОП ВЕСТИ

ПОСЛЕДНИ ВЕСТИ