Од Комунална хигиена-Скопје велат дека во текот на неделава отстраниле две обемни диви депонии лоцирани во скопската општина Чаи
Чистењето се одвивало долж булеварот Никола Карев (Пластичарска улица) каде што се подигнати и транспортирани околу 15 кубни метри претежно мешан комунален отпад, како и на улицата Рамиз Садик каде што се отстранети приближно 10 кубни метри отпад од картонска амбалажа одложен на јавни и сообраќајни површини.
„ЈП Комунална хигиена-Скопје ги информира жителите на градот Скопје дека секое одлагање отпад надвор од наменски поставените садови претставува кршење на Законот за јавна чистота и директно ги загрозува јавното здравје и животната околина“, велат од претпријатието.
Колку овој апел и укажување на законските одредби и на ризиците по здравјето ќе допре до оние кои фрлаат ѓубре без око да им трепне?